بقلم الشاعر.. سليم الخطابى.. محانى..

محاني ........باللهجة الجزائرية

الـــــــيوم يا تمحاني...الـــيوم يا تــحماني

احـــــبابي على قـــــــــبــــــري دايـــرين

حــــاطت بيا كفاني ...حاطـــت بيا كفاني

ماســـــتروني ذوك الكـــــسوات الغــالين

مانـــــــفعني مالي ... مــــا نفعني مـــالي

ما نــــــفعوني ذوك الديـــــور العـــامرين

هلك عني سلطاني.....هلك عني سلطاني

مانفعني لجيوش....... بجنودهم حاشدين

ما فدت صحة بداني.ما فدت صحة بداني

في قـــــــبري جــــــميع عضي دايبـــــين

ما دفعوا عني ولداني ما دفعوا عني ولداني

نقــــــابل مولاي وحـــدي فـــــــريد حزين

حتى ناسي و جيراني ...حتى ناسي وجيراني

ســـــــارو عــــــني صــــــاورا لي ناكرين

وما بقى مــن صحباني ما بقى صـــــحباني

كـــــــلهم ساروا لحــــــوالهم نـــــــــاشطين

ما ينجي غير اعمالي ماينجي غير اعمالي

في طـــــاعة الله والخـــير و دعوة الوالدين

نـــــــطلب الله العالي....نطــــلب الله العالي

ينـــجنا في يـــــــوم الحــــــشر كـــــــاملين

هو عــــــالم بحالي و هو عـــــــــالم بحالي

الرحــــــيم الرحــــــمن له كـــــلنا مسلمين

بقلم سليم الخطابي