بقلم الشاعر.. أحمد عبد الحق.. شايفك راجعة...

شايفك راجعه
بس رجوعك أصبح عادي
شيء معدوم
نفس الدمعه
ونفس الشوق
وكأنك انت المظلوم
نفس الاهه جواك لسه
نفس ا وجاعك
وكأنك قدري المختوم
ايه خلاك  ترجعي تاني
حبك ليا
والله صعب عليا
أنك تبقي خيال مرسوم
صعب أشوفك حته ذكري
حبة شوق من غير صوت
صوتك اصلا مولود مكتوم
فاكره زمان
كنت بحس دموعك
قبل نزولها
كنت بحس ايه جواك
حتي اهاتك المسجونه
بارق حروفي كنت بقولها
ولما مشاعري تشتاق ليك
كنت بداري
كنت بخاف لتغدري بيها
ولا غرورك يوم يكسرها
شوفي الحاله
حكايتك والله مش محتاجه
حاجه تفسرها
مش محتاج خلاص لقواله
اخرك  دمع
حتي الدمع مش من حقك
ندمك مالوش صلاحيه
شرق غرب
أبعد قرب
طعم دموعك أصبح ماسخ
جرحك جوايا أصبح راسخ
يلا روحي وسيبك مني
أنسي يمكن تنزل دمعه
دمع حقيقي
مش حبة ميه
احمدعبدالحق