فهمي علي يكتب .....

ما انا عشت باقولك عمري ما اخاف
و لا شوفتش مرة مشاعري خفاف
و ما توهتش عمري عن الإنصاف
إنما ف بعادك بابقي غريب
الخوف بيزيد و بيبقى جبال
و هموم تملاني و ما بتتشال
ف باحس العادي ف كوني محال
و غناوي الفرح بتبقى نحيب
البعد مشاعر موت مع موت
بيخلي الزحمة صراخهاسكوت
و مفيش أحزان بشويش بتفوت
و الله البعد بجد رهيب
افتكري ف يوم لما قابلتيه
و بكيتي و قلتي بنبعد ليه؟
في يوميها حلفنا ما هنخليه
يعرفنا و يبقى لروحنا قريب
بس انتي نسيتي كأنه ما كان
و رضيتي لروحي تعيش أحزان
و وصفتي مكاني و ميت عنوان
و رضيتي الهجر لاغلى حبيب
رمتيه ف النار من غير اسباب
علي صبح و ليل و قفلتي الباب
و مسحتي رسايل تملا كتاب
خليتي وليد العشق يشيب
يا مسافرة بعيد و الغربة هموم
يا مفارقة ف ليل و قمر و نجوم
انا هاصحي ف عز الليل و هاقوم
ابعت لك دعوة شوق... فتصيب
#فهمي_علي