بيقلولك عنها إيه
=========
بيقلولك عنها إيه
مصر أم الدنيا     إيه
قلي قالوا إيه وصارح
مهما كان الكدب جارح
هو لو لا النخل طارح
كانوا يرموا الطوب عليه
=============
قالوا إيه ع الورد لما
مالتقوش في الورد عيب
لا ف جمال اللون مذمه
ولا في فوح الورد طيب
مين يقول ع الشمس ما في
ونورها ما لي الدنيا صافي
هو ضي الصبح خافي
أو حلاوة الشهد عيب
============
اللي عاوز يحكي يحكي
واللي نفسه يقول يقول
مين هيوقف نيل بيجري
أو سما يقدر يطول
كل بير ينضح ما فيه
وكل عين تعكس شبيه
ياما قالوا صابني إيه
هو بعد الصح قول
أحمد محمود عوض سعيد
الرحامنه/فارسكور/دمياط