صدقنى بجد ... فيك حاجة غريبة تشد...
مش عارف هى ايه ... ولا تسالنى ازاى وليه
انت حلم حياتى ... ولا شفت زيك حد
بالساعات افضل مستنى ... وجنبك فرحان متهنى
وساعات ابعت مراسيل ... وبشوقى استنى الرد ...
اياك يا حبيبى تنسى ... وقلبك عليه يقسى
خلينى دايما فى بالك ... ولا تقطع حبل الود ...
المح فى عينيك واشوف ... الدنيا والف واطوف
واعيش اجمل احساس ... حب ولعب وجد ....
وابص فيك واتامل ....ونار الشوق اتحمل
اعديلك بحور وجبال... وكل الجسور تتمد
واذا بعدت عنك ثوانى ... اشتاقلك وارجع تانى
يا قلبى وكل كيانى ... يا اجمل صحبة ورد ...
مش ممكن راح اسيبك ..... انا بختك ونصيبك
واجيلك وقلبى اهديلك ..... ولو بينا الف سد ....
الناس بتحسدنى عليك ...والناس كلها حواليك
عايزة تفرق ما بينا .... واياك تصدق حد ..
كلمات اسامة فؤاد حنا
ليست هناك تعليقات:
إرسال تعليق