يا صديقى .. بقلم الشاعر / أحمد محمود عوض

يا صديقى
يا صديقى كلنا كنا لصوص
اللى كان فى السلطه حاكم
واللى طحناه التروس
واللى ساكن قصر عالى
واللى مرمى فى عشه خوص
كلنا فى الكفه واحد
مهما تختلف الشخوص

لكن الفرق اللى بيننا
واللى تايهه حقيقته عنا
ناس بتغرف باللوادر
وناس اخرها حزمه بوص
        =======
مش لوحده
اللى شق الجيب وسارقه
هو نفسه
اللى غمى عنيه وتاركه
هو هو
اللى دافع زور وشاركه
هو اللى فصله القانون
وجهزله مسالكه
لجل يهرب م الحصار
والتلاعب بالنصوص
           =====
ياصديقى
مين يحاسب فينا مين
مين له حق
ان كان يبرأ  أ و يدين
كلنا ع الكفه واحد
في الجريمة ومذنبين
متفتحوش قبر المواجع
م اللى مات
هتصحوا مين
لا اللى كان ع البر شاطر
ولا اللى جوه النار بيخاطر
ولا اللى صام والوقتى فاطر
كان بريء أو كان أمين

            احمد محمود عوض سعيد