رمضان البربرى... يكتب... عايزة الدلع... عامية

،،، عايزة الدلع ،،،بقلم الشاعر/رمضان البربري

راحت عليك وبقيت مرتجع
وأنا بنت حلوة عايزة الدلع
وصغيرة وأعجب أيتها جدع
ضحك وبص لها وفين الجدع

أنا الأصيل إبن نبت دة الطين
زي الوتد مهما تعدي بيا السنين
منقوع في خير زمان المتين
شعري شاب ودة وقار الطيبين

أنا الصدر الحنين المعافر
لكل غلطاتك كنت غافر
دبة رجلية بألف حافر
أنيق مسمسم ومش سافر

أنا إللي حافظ فرض ربي
وصاين كل العهود في دربي
أنا إللي مملتش يوم كدبك
وإستحملتك كتير وبقيتي ذنبي

والنهاردة بقيت راجل مرتجع
مع إني والله بألف ألف جدع
ضحكت ومالت بهزر يا راجل
وباردة أنا حلوة وعايزة الدلع