طفل وصبية .... أبو حمزة رشوان

(طفل وصبية)
الطفل لما ولد كان عمر الصبية ملايين..
تايه  حب  تايهة  والاثنين  تايهين....
ومفيش فروق فى الحب ما بين كبير وصغير.
انا مين  وانتى  مين  توهنا  العناوين...
...
أنا الطفل إللى حبك دونان عن البهوات...
ورفضت كل النصائح للاهل والاخوات..
حتى  نصيحة  أمى  وانا  إبنها  البار.....
أبعد  يا إبنى  كل  إللى  حبها  مات.....
.....
أنا إللى حبيتك وحبى ليكى متحاصر..
بيحسبونى على حبك قال ايه صغير قاصر..
وأنا اللى حافظ اسماء عشاقك واحد واحد.
مصطفى  وعرابى  وسعد  وعبد الناصر....
.....
تلميذك  فاهم  مش  غبى  ناسخ....
وبينى وبينك عهد وللعهد مش فاسخ..
ولو  كان  رهانهم  على  الحب.
الحب لو ذاد عن حده بيبقى ماسخ....
.....
أصل الجوع والجهل والفقر كافر...
والحب  مع دول  ما يقدر يعافر...
ولو معاهم ياحبيبتى هتبقى باقية..
يرضى الحبيب ويبقى طبيب غافر....
..    ....
(طفل وصبية. بقلم أبو حمزة رشوان)