ذنبه إيه ودا ذنب مين
إن دمه يغوص ف طين
ذنبه إنه بس ... مصرى
ذنبه انه دمه ... حصرى
ليه يسيل دمه ويسرى
ف التراب ويعود دفين
ذنبه إيه ودا ذنب مين
إن دمه يغوص ف طين
ليه يطولك يا ابنى غدر
ليه يدوق الزهر ..... مُر
إيه جناه وبأى...... أمر
قاله يقطف ... زهر زين
ليه يا غادر إيه جانيته
لما برصاصك .... رميته
واللى عايزه خلاص لقيته؟؟؟
خاسر الدنيا ...... و دين
بص ف عيونه ... وشوف
تعرف انه ما جاله خوف
لولا غدرك ..... والظروف
كان سقاك .... مر الانين
ذنبه إيه ودا ذنب مين
ان دمه يغوص ف طين
وأنت يابنى الغدر زانك
جنة الرحمن .. مكانك
والملائكه جم.. عشانك
نزلوا ليك .. مستبشرين
ذنبه إيه ودا ذنب مين
تسقى أهله ... نار حنين
ليست هناك تعليقات:
إرسال تعليق