دارميات وأبو ذيات الجابري
----------------------------
يا روحي كفـي النوح بطلي تنوحين
ما اظن يـرد الراح كافـي تنطريــن
**
نحيبــــج عبر علصــوبين ونهــــن
ولكل نيه لنواهــه وصــــل ونهـــن
الوكت هو النكت والهــــان ونهـــن
وعسى بعــــد الونيـن أتظل خطيـه
-------------------------------
خنت العهد يفلان ما كو ثقه ألبــيك
راح ألدغ مرتين من أكَرب علــيك
**
تشـــتت يا بعـــد روحي شـــملنــه
وتهت من يمنتي واجهل شــملنـــه
لعبــــك عالزلـــم واللــــه شــملنـه
وصرت ويََ العدد تلعــب عليــــه
------------------------------
خلهه مسعره النار ظل بالتجــــافي
ابتعــد عنـي وروح البيه كــــــافي
**
الكَلب شوف أشلعب بينه ويانـــــه
وجنت واهم طفت ناري. ويانـــــه
أبتعدنه وما بقـه واحــــد ويانــــــه
وثكَب واصبح هشـيم الجـــان بيـه
-----------------------------
كَوسك يودي اسهام يلسهمك ايصيد
خاف الله وك يفلان ترميني بالعيــد
**
ومن يوم التركني وشال مــنشـــال
الوسن عيني لفاني حلــم منشـــــال
تداريت احمي كلبي ابدرع منشـال
وعبر شالي السهم واشـ

عمل بيــــه
----------------------------
الشاعر / فالح حسن عبد الجابري
-------------------------------27/8/2018م