كفايا
،،،،،،،
كفايا يا قلبى حب
كفايا تنهيدات
كنت فاكر هحب
اتارى الوقت فات
اتارينى كنت واهى
مخدوع نايم وصاحى
دي ناس ساكنه العلالي
وانا عايش بين جراحى
الي سابنى وهجر
والي اختار السفر
والي ما ردش عليا
والي هدانى السهر
لما انتا عارف انك
غيرى وياك حبيب
خليتنى ليه احبك
وجراحى بيك تطيب
نزفت جراحى تاني
يا عزابى يا هواني
وهسيب القلب ينزف
وهسيب عينيا تبكى
وهصاحب الجراح
 والحزن والنواح
اوعى تفكر للحظه
اني ارجع واشتكي
انا مسكين كد حالي
اهجر وانزح يا غالي
انا مين علشان اعاتبك
فاكر مش ناسى انك
كام مره قلتها لي
وحبك كان خداع
مني وليا  وعليا
وعرفت حجمى اني
كنت مجرد ضحيه
ارجوك روح وانسى حبي
روح ما تبصش وراك
ارجوك كفاياني منك
مر قاسيته فى هواك
بتسلم تانى ليه
مستنى منى ايه
القلب صبح عليل
والليل ديما طويل
والنور فى عينيا ضلمه
والدمع إعتاد يسيل
روح واتباها عنادك
كمل غرور فؤادك
لا انا من دور بدر زيك
ولا من دور نول فؤادك
عندك احباب كتير
منهم باشا ووزير
ومن اول دقيقه
انا قلت اني فقير
رديت ميهمنيش
وقلت معاك هعيش
فاكر لما بكيت
وقلت اني عارف
قلبى جوايا خايف
وقلت أنى بحبك
ومش هوصل لحضنك
وحكينا كلام كتير
انا فاكر يمها كنا
فى بداية حبنا
حكينا واتعاهدنا
نكون لبعضنا
لكن خلينا برجع
كتر العتاب بيوجع
بحلك من وعودك
واحلفلك بالي بينا
مش راح تكون نصيبي
مش راح اكون نصيبك
واننا اخترت الطريق
والقلب ملان حريق
وداع يا حب ضاع
مني فى وسط الطريق
روح ماتبصش
وراك
******
اميرفايز على