غربه

الو مرحبا يا امي
اهلين يا ابني
- كيفك شو عم تعملي ؟؟!!
-عاملة محاشي كوسا وبيتنجان و يبرق منشانك بالذات .. لانه بعرفك بتحب اليبرق كتير ..
تعال وجيب مرتك بسرعة وأنا بتصل على اخواتك البنات يجهزو حالهن لبين ما توصل لعندهن...
و لا تجيب معك شي لأنه كلشي موجود الحمدلله ، لااااا تجيب شي برجع بقلك
برضاي عليك يا ابني لا تتأخر بدّي ياك تاكل اليبرق سخن و ما راح آكل لتجي ها
( و انا ساكت عالتلفون تاركها عبتحكي )
و هون سكتت شوي و طلع صوت البكى و كملت بصوت بطيء
مع الدموع و قالت :
نسيت يا أمي إنك مسافر ببلد بعيد و نسيت إنه نحن أنا و أبوك ببلد تاني و نسيت إنه اخوك ببلد بعيد صار و كل واحد ببلد واختك ببلد
للحظة تذكرت أيّام زمان و كيف بنص ساعة كنتوا تجتمعوا عندي بالبيت و نأكل و نضحك و نمزح ..
يا ابني ياترى بضل عايشة لحتى نجتمع كلياتنا على سفرة وحدة .. يا ابني مابظن نجتمع إلا عند ربنا ..
راحت أيّام الفرح يا ابني..
- و هون أنا توقف الحكي عندي و سكتت و طلع صوت بكاها أعلى و وقفت كمان هيي عن الحكي
و سكرت الموبايل...
و أنا عم قول ياترى في عيلة بسورية بترجع تجتمع من جديد
سوريااااااااااااااااااااا ..
بكفي حاج بقى قومي بترجاكي .
مشان الله قومي اصحي حاجة ورب العرش ملينا .
انا واخواتي شتئنالك كتيييييير ..
بس انا واخواتي انوجعنا كتير ياامي ....
انوجعنا ع فراقك انت وابي ...
انوجعنا ونحنا اول يوم رمضان ماعاد فينا نجتمع عندك .....
ماعاد فينا نتصل عليكي ونعايدك....
صرنا نصبح ونمسي عليكي انت وابي باحلامنا ...
ونجتمع باحلامنا ...
بس ماحنقدر نرجعه او نحققه لانه للاسف حلمنا صعب يتحقق ....بس ان شاء الله حنجتمع ياامي وابي بالجنه .....
غربة_وجع .
.......